„შენდობა“ - რეჟისორი გოგა ხაინდრავა ახალ ფილმს იღებს. „იმედის კვირის“ ექსკლუზიური რეპორტაჟი

რეჟისორი გოგა ხაინდრავა ახალ ფილმს იღებს და საუკუნეების წინ დამკვიდრებულ იმ წესზე მოგვითხრობს, რომელმაც არაერთი ოჯახისა თუ თაობის ისტორია შეცვალა. ამბავი სისხლის აღების წესზე, ადამიანურ არჩევანსა და პატიების ძალაზეა.

შეიძლება თუ არა შურისძიების ჯაჭვი ერთხელ და სამუდამოდ პატიებამ გაწყვიტოს? ეს კითხვა, ალბათ, საუკუნეებს ითვლის და პასუხიც ყველა შემთხვევაში იმ მძიმე ისტორიებში უნდა ვეძებოთ, რომლებიც ადამიანების ცხოვრებას სამუდამოდ ცვლის და ხშირად ანადგურებს კიდეც.

„შენდობა“ - ასე ჰქვია რეჟისორ გოგა ხაინდრავას ახალ ფილმს. ნახეთ საბა ხვიჩიას ექსკლუზიური რეპორტაჟი გადასაღები მოედნიდან.