ბათუმის საერთაშორისო არტ-ჰაუს კინოფესტივალის ფარგლებში პოლონელი რეჟისორისა და სცენარისტის, აგნეშკა ჰოლანდისა და ქართველი რეჟისორის, ლევან კოღუაშვილის პრესკონფერენციები გაიმართა

ბათუმის საერთაშორისო არტ-ჰაუს კინოფესტივალი გრძელდება. კინოფესტივალის ფარგლებში დღეს ორი პრესკონფერენცია გაიმართა.

საკუთარ შემოქმედებაზე, ფესტივალსა და ქართულ კინემატოგრაფიაზე ცნობილმა პოლონელმა რეჟისორმა და სცენარისტმა, „ოსკარის“ სამგზის ნომინანტმა აგნეშკა ჰოლანდმა ილაპარაკა.

რეჟისორს კინემატოგრაფის განვითარებაში შეტანილი განსაკუთრებული წვლილისთვის ბიაფის სპეციალური ჯილდო გადასცეს.

პრესკონფერენცია გამართა ქართველმა რეჟისორმა ლევან კოღუაშვილმაც, შემოქმედებით გუნდთან და მსახიობებთან ერთად. ბიაფი სწორედ კოღუაშვილის ფილმით, „გურია“ გაიხსნა. ეს იყო ფილმის ქართული პრემიერა.

ბათუმის საერთაშორისო არტ-ჰაუს კინოფესტივალი წელს მეოცედ იმართება.