მიხეილ დუნდუა: საქართველო არ იმსახურებს, რომ ის უსამართლოდ გააკრიტიკონ. არ იმსახურებს, რომ მისი ადგილი იყოს დაკნინებული. არ იმსახურებს, რომ წარმოაჩინონ, თითქოს ვითარება არის ცუდი, როდესაც თავიანთი კვლევებით ადასტურებენ, რომ ვითარება არის კარგი

საქართველო არ იმსახურებს, რომ ის უსამართლოდ გააკრიტიკონ. არ იმსახურებს, რომ მისი ადგილი იყოს დაკნინებული. არ იმსახურებს, რომ წარმოაჩინონ, თითქოს ვითარება არის ცუდი, როდესაც თავიანთი კვლევებით ადასტურებენ, რომ ვითარება არის კარგი და მიმდინარეობს სწორი მიმართულებით ქვეყნის განვითარება, - განაცხადა გადაცემაში „EURO ანატომია“ საქართველოს ფინანსთა მინისტრის მოადგილემ, მიხეილ დუნდუამ.

მან ევრობიუროკრატების შეფასებებზე გააკეთა კომენტარი, რომლებიც უკრაინისა და მოლდოვას წინსვლასა და საქართველოს უკუსვლაზე გამუდმებით საუბრობენ.

„მე ვერ ვპოულობ საფუძველს, თუ რა შეიძლება იყოს, საქართველოს არასწორი, უსამართლო კრიტიკის მიზეზი ან საფუძველი. საქართველო არ იმსახურებს, რომ ის უსამართლოდ გააკრიტიკონ. არ იმსახურებს, რომ მისი ადგილი იყოს დაკნინებული. არ იმსახურებს, რომ წარმოაჩინონ, თითქოს ვითარება არის ცუდი, როდესაც თავიანთი კვლევებით ადასტურებენ, რომ ვითარება არის კარგი და მიმდინარეობს სწორი მიმართულებით ქვეყნის განვითარება.

როდესაც მათივე ორგანიზებით წარმოებული კვლევა ერთს ამბობს და მათი მესვეურთა განცხადებები ერთმანეთისგან განსხვავდება - კვლევა განსხვავდება პოლიტიკური ნარატივისგან, ამ დროს უმჯობესია, პოლიტიკურმა ნარატივმა დაუთმოს გზა კვლევას და კვლევამ ისაუბროს“, - აღნიშნა დუნდუამ.

მისივე თქმით, საქართველოს მიზანია, გახდეს ევროკავშირის წევრი. ზოგიერთი ევრობიუროკრატი ცდილობს, საქართველოს მიმართ უსამართლოდ მოიქცეს. დუნდუამ იმედი გამოთქვა, რომ არსებული დამოკიდებულება შეიცვლება.