ავთანდილ კასრაძე სან-ფრანცისკოს სამეცნიერო მუზეუმის Exploratorium-ის ხელმძღვანელებს შეხვდა, სადაც სან-ფრანცისკოს მუზეუმიდან ქუთაისის ტექნოლოგიური ჰაბისთვის ექსპონატების მიღების შესაძლებლობები განიხილეს

აშშ-ში ვიზიტის ფარგლებში, ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თავმჯდომარემ ავთანდილ კასრაძემ სან-ფრანცისკოს სამეცნიერო მუზეუმში Exploratorium - ში, მუზეუმის ხელმძღვანელებთან სამუშაო შეხვედრა გამართა.

შეხვედრაზე მხარეებმა სამომავლო თანამშრომლობა და სან-ფრანცისკოს მუზეუმიდან ქუთაისის ტექნოლოგიური ჰაბისთვის ექსპონატების მიღების შესაძლებლობები განიხილეს.

Exploratorium – ი გამოჩენილმა ამერიკელმა ფიზიკოსმა ფრენკ ოპენჰაიმერმა 1969 წელს სან-ფრანცისკოში დააარსა. მან სრულიად შეცვალა სამეცნიერო მუზეუმების კონცეფცია და აქცენტი სტუმართა ინტერაქციულ ჩართულობაზე გადაიტანა.

ინფორმაციას ინოვაციების და ტექნოლოგიების სააგენტო ავრცელებს.