ავთანდილ კასრაძე: კავკასიისა და ცენტრალური აზიის ეკოსისტემების თანამშრომლობით შეგვიძლია სტარტაპებს ინვესტიციებზე, პარტნიორებსა და გლობალურ ბაზრებზე წვდომის მეტი შესაძლებლობა შევუქმნათ

კავკასიისა და ცენტრალური აზიის ეკოსისტემების თანამშრომლობით შეგვიძლია სტარტაპებს ინვესტიციებზე, პარტნიორებსა და გლობალურ ბაზრებზე წვდომის მეტი შესაძლებლობა შევუქმნათ, - განაცხადა ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თავმჯდომარემ ავთანდილ კასრაძემ, რომელმაც მონაწილეობა მიიღო აშშ-ში, ქალაქ სან-ფრანცისკოში გამართულ ტექნოლოგიურ კონფერენციაში Tech Week 2026.

ღონისძიების ფარგლებში გამართულ თემატურ დისკუსიაში „Central Asia & the Caucasus: Emerging Tech Ecosystems“ სიტყვის გამოსვლისას, ავთანდილ კასრაძემ დეტალურად განიხილა საქართველოში სტარტაპ-ეკოსისტემის განვითარების ეტაპები, აღნიშნული სეგმენტის მხარდაჭერისკენ მიმართული სამთავრობო გადაწყვეტილებები, რომლებიც მიზნად ისახავს ინოვაციური ბიზნესის განვითარებასა და ქვეყნის რეგიონულ ტექნოლოგიურ ცენტრად ჩამოყალიბებას.

დისკუსიის მონაწილეებმა რეგიონში ტექნოლოგიური და ინოვაციური ეკოსისტემების განვითარების, საერთაშორისო ბაზრებზე გასვლის შესაძლებლობებისა და რეგიონული თანამშრომლობის პერსპექტივების შესახებ იმსჯელეს. შეხვედრაზე აქცენტი გაკეთდა კავკასიისა და ცენტრალური აზიის ტექნოლოგიური ეკოსისტემების დაახლოებასა და ქვეყნებს შორის თანამშრომლობის ახალი შესაძლებლობების შექმნაზე.

თემატური დისკუსია საქართველოს ინოვაციების და ტექნოლოგიების სააგენტოსა და სან-ფრანცისკოში საქართველოს გენერალური საკონსულოს ორგანიზებით, Georgian Innovation Hub-ში გაიმართა. ღონისძიებამ ცენტრალური აზიისა და კავკასიის ქვეყნების ინოვაციებისა და ტექნოლოგიების სფეროს წარმომადგენლებს უმასპინძლა.

Tech Week - ი მსოფლიოს ერთ-ერთი უმსხვილესი ტექნოლოგიური ფორუმია, რომელსაც ვენჩურული ფონდი Andreessen Horowitz (a16z) წარმოადგენს.

კავკასიისა და ცენტრალური აზიის ეკოსისტემების თანამშრომლობით შეგვიძლია სტარტაპებს ინვესტიციებზე, პარტნიორებსა და გლობალურ ბაზრებზე წვდომის მეტი შესაძლებლობა შევუქმნათ, - განაცხადა ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თავმჯდომარემ ავთანდილ კასრაძემ, რომელმაც მონაწილეობა მიიღო აშშ-ში, ქალაქ სან-ფრანცისკოში გამართულ ტექნოლოგიურ კონფერენციაში Tech Week 2026.

ღონისძიების ფარგლებში გამართულ თემატურ დისკუსიაში „Central Asia & the Caucasus: Emerging Tech Ecosystems“ სიტყვის გამოსვლისას, ავთანდილ კასრაძემ დეტალურად განმარტა საქართველოში სტარტაპ-ეკოსისტემის განვითარების ეტაპები, აღნიშნული სეგმენტის მხარდაჭერისკენ მიმართულ სამთავრობო გადაწყვეტილებები, რომლებიც მიზნად ისახავს ინოვაციური ბიზნესების განვითარებასა და ქვეყნის რეგიონულ ტექნოლოგიურ ცენტრად ჩამოყალიბებას.

დისკუსიის მონაწილეებმა რეგიონში ტექნოლოგიური და ინოვაციური ეკოსისტემების განვითარების, საერთაშორისო ბაზრებზე გასვლის შესაძლებლობებისა და რეგიონული თანამშრომლობის პერსპექტივების შესახებ იმსჯელეს. შეხვედრაზე აქცენტი გაკეთდა კავკასიისა და ცენტრალური აზიის ტექნოლოგიური ეკოსისტემების დაახლოებასა და ქვეყნებს შორის თანამშრომლობის ახალი შესაძლებლობების შექმნაზე.

თემატური დისკუსია საქართველოს ინოვაციების და ტექნოლოგიების სააგენტოსა და სან-ფრანცისკოში საქართველოს გენერალური საკონსულოს ორგანიზებით, Georgian Innovation Hub-ში გაიმართა. ღონისძიებამ ცენტრალური აზიისა და კავკასიის ქვეყნების ინოვაციებისა და ტექნოლოგიების სფეროს წარმომადგენლებს უმასპინძლა.

Tech Week - ი მსოფლიოს ერთ-ერთი უმსხვილესი ტექნოლოგიური ფორუმია, რომელსაც ვენჩურული ფონდი Andreessen Horowitz (a16z) წარმოადგენს.