გაეროს ტურიზმის ორგანიზაციის ხელმძღვანელი ქალი - საქართველო ალ ნუვაისის თვალით. „იმედის კვირის“ საავტორო რეპორტაჟი

ქალი, რომელმაც ტურიზმის მსოფლიო ორგანიზაციის ნახევარსაუკუნოვან ისტორიაში სრულიად ახალი ფურცელი გადაშალა - 50-წლიანი მოღვაწეობის შემდეგ ამ ორგანიზაციას ქალი პირველად ჩაუდგა სათავეში. გადატვირთული დღის წესრიგის მიუხედავად, ალ ნუვაისის ვიზიტების ნუსხაში პრიორიტეტული აღმოჩნდა ოფიციალური ვიზიტი საქართველოში.

დროში შეზღუდული იყო, მაგრამ მან მოასწრო თბილისის ქუჩებში გასეირნება, უძველესი ევროპული ქალაქის, ქუთაისის მონახულება, ბათუმის გაცნობა - კოლხეთის საგანძურის ნახვა, ზიარება ქართულ ცეკვასთან და მრავალხმიანობასთან. ალ ნუვაისმა გასინჯა ქართული კერძები და მთავარი გამოცდის ჩაბარებაც გადაწყვიტა - აჭარული ხაჭაპურის მომზადება.

მისი ემოციები „იმედის კვირის“ გადამღებ ჯგუფს არ გამოჰპარვია. ვიზიტი მხოლოდ გაცნობითი ხასიათის არ იყო. 2027 წელს საქართველო ინოვაციების საერთაშორისო სამიტს უმასპინძლებს, 100 ქართველი სტუდენტი ტურიზმის სფეროში დაფინანსებას მიიღებს, ქვეყნის ტურისტულ ღირსშესანიშნაობებს კი მსოფლიოს მასშტაბით პოპულარიზაციას გაეროს ტურიზმის ორგანიზაცია გაუწევს.

შაიხა ნასერ ალ ნუვაისის ქართული დღეები - ნახეთ ექსკლუზიურად ელენე ცინცაძის სპეციალურ რეპორტაჟში.