ვლადიმერ პუტინის განცხადება
ვლადიმერ პუტინმა დონალდ ტრამპს და ირანის ოფიციალურ წარმომადგენლებს განუცხადა, რომ მხარს უჭერს ბირთვული შეთანხმების იდეას, რომლის მიხედვითაც, ირანი ურანის გამდიდრებას ვერ შეძლებს. ცნობას „აქსიოსი“ ანონიმურ წყაროებზე დაყრდნობით ავრცელებს. გამოცემის ორი წყაროს თქმით, რუსებმა ისრაელის მთავრობასაც მიაწოდეს ინფორმაცია პუტინის პოზიციის შესახებ. როგორც „აქსიოსი“ წერს, პუტინმა ეს პოზიცია ასევე გააცნო გასულ კვირას საფრანგეთის პრეზიდენტ ემანუელ მაკრონს სატელეფონო საუბრისას. ამასთან, როგორც საინფორმაციო სააგენტო „როიტერი“ იუწყება, ირანის საინფორმაციო სააგენტომ უარყო აღნიშნული ინფორმაცია და განაცხადა, რომ პუტინს ამ საკითხთან დაკავშირებით ირანთან არ უსაუბრია.