კინოს სახლში ფილმის „დაუვიწყარი სიყვარული” პრემიერა გაიმართა

კინოს სახლში ფილმის „დაუვიწყარი სიყვარული” პრემიერა გაიმართა. კინოსურათი აფხაზეთის ომში უგზო-უკვლოდ დაკარგულ და დაღუპულ ადამიანებსა და მათ ხსოვნას ეძღვნება. ფილმის სიუჟეტი ერთი წყვილის სიყვარულის ისტორიის ფონზე ვითარდება.

ნინო მირცხულავას ნამუშევარი, რომელიც ხელოვნური ინტელექტის დახმარებით შეიქმნა, მაყურებელს სოხუმის ქუჩებში ამოგზაურებს და ახსენებს იმ დროს, როდესაც ომამდე სხვადასხვა ეროვნების ადამიანები მშვიდობიანად, სიყვარულითა და ურთიერთპატივისცემით თანაცხოვრობდნენ. ნამუშევარს ლაიტმოტივად გასდევს გახლეჩილი ქართული და აფხაზური საზოგადოების შერიგებისა და ადამიანური კავშირების აღდგენის იდეა.