სოფელ ხურვალეთთან რუსი სამხედროები სათვალთვალო კოშკს აგებენ. ფოტო

საოკუპაციო რეჟიმის წარმომადგენლებმა სოფელ ხურვალეთში ოკუპირებულ ნაწილზე სათვალთვალო კოშკურის დადგმა დაიწყეს. ამის შესახებ ინფორმაცია სოციალურ ქსელში მოხუცთა თავშესაფრის ხელმძღვანელმა ლუდა სალიამ გაავრცელა.

ეს ინფორმაცია imedinews-ს სახელმწიფო უსაფრთხოების სამსახურში დაუდასტურეს. უწყებაში თქვეს, რომ საოკუპაციო რეჟიმის მიერ ხურვალეთის მიმდებარე ოკუპირებულ ტერიტორიაზე სათვალთვალო კოშკურის აღმართვასთან დაკავშირებით არაერთხელ გააქტიურდა ცხელი ხაზი

"ინფორმირებულია ევროკავშირის სადამკვირვებლო მისია. აღნიშნული საკითხი მწვავედ დადგება 8 თებერვალს, ინციდენტების პრევენციისა და მასზე რეაგირების მექანიზმის შეხვედრაზე ერგნეთში", - აცხადებენ სუსში.