სასამართლო დავით ფეიქრიშვილზე თავდასხმის ფაქტზე 5 ბრალდებულის მიმართ აღკვეთის შეფარდებაზე მსჯელობს
სამართალი

დავით და გიორგი ფეიქრიშვილები
ფოტო: იმედი/კადრი
დავით ფეიქრიშვილზე თავდასხმის ფაქტზე 5 ბრალდებულის მიმართ, აღკვეთის შეფარდებაზე სასამართლო ამ წუთებში მსჯელობს. ვატო და შოთა ყიფიანები, ავთანდილ ბილანიშვილი, პავლე გოცირიძე და დავით კაჭარავა სხდომას არ ესწრებიან. ისინი სხვა წარდგენილ ბრალზე უკვე პატიმრობაში არიან.
დაპირისპირება გლდანის მერვე საპატიმრო დაწესებულებაში მას შემდეგ მოხდა, რაც ვატო ყიფიანი და კიდევ ოთხი პატიმარი დავით ფეიქრიშვილის საკანში შეასახლეს, რაც ყიფიანმა პენიტენციური სამსახურის უფროს გიორგი პატარიძეს სთხოვა. გადაწყვეტილება კი ციხის დირექტორმა პენიტენციური სამსახურის უფროსის მითითებით მიიღო.
პროკურატურამ დავით ფეიქრიშვილის მიმართ განხორციელებული ძალადობის ფაქტზე 7 პირს, სპეციალური პენიტენციური სამსახურის ყოფილ გენერალურ დირექტორს, ამავე სამსახურის №8 პენიტენციური დაწესებულების ყოფილ დირექტორს და ვატო ყიფიანს, შოთა ყიფიანს, ავთანდილ ბილანიშვილს, პავლე გოცირიძეს და დავით კაჭარავას ბრალდება 13 ნოემბერს წარუდგინა.




