სასამართლოს გამამტყუნებელი განაჩენი და პატიმრობა 13 წლით - გრიგოლ ლილუაშვილი დამნაშავედ ცნეს. „ქრონიკის“ რეპორტაჟი
სამართალი
ფოტო: Imedi/ვიდეოკადრი
კორუფციულ დანაშაულში ბრალდებული სუსის ყოფილი უფროსი სასამართლომ დამნაშავედ ცნო. გრიგოლ ლილუაშვილს ცამეტი წლით თავისუფლების აღკვეთა მიესაჯა.
მოსამართლის განაჩენის თანახმად, ლილუაშვილი წარდგენილ ოთხივე ბრალდებაში დამნაშავედ არის ცნობილი.
„დაცვის მხარეს და ბატონ გრიგოლ ლილუაშვილს გამამართლებელი განაჩენის მოლოდინი ჰქონდა, იქიდან გამომდინარე, რომ საქმეში არ არსებობდა არც ერთი მტკიცებულება, რომელიც მის ბრალეულობას დაამტკიცებდა, რამეთუ ის არის უდანაშაულო“, - განაცხადა გრიგოლ ლილუაშვილის ადვოკატმა ლანა ცერცვაძემ.
„გამოვიკვლიეთ მტკიცებულებები და დავკითხეთ მოწმეები, რამაც გონივრულ ეჭვს მიღმა სტანდარტით, ფაქტია, რომ დაადასტურა მის მიერ ჩადენილი ქმედება. ყოველთვის ვამბობდი და კიდევ ერთხელ ხაზს გავუსვამ, რომ საქმე გამოირჩეოდა მოწმეთა სიმრავლით. ამ მოწმეებმა სასამართლოს მიაწოდეს ინფორმაცია, რაც ერთმანეთთან მოდიოდა თანხვედრაში, ასევე საქმეში არსებულ სხვა მტკიცებულებებთან მოდიოდა თანხვედრაში და შესაბამისად, სასამართლომ გამოიტანა გამამტყუნებელი განაჩენი“, - განაცხადა საქმის პროკურორმა მარიამ ბერძენიშვილმა.
თემის შესახებ უფრო მეტს მარიამ ქართველიშვილის რეპორტაჟიდან გაიგებთ:
