ამერიკაში თაღლითური სქემით მოქმედი კომპანიები და მათი ქართველი ფიგურანტები - თაღლითობის სკანდალური საქმე. „იმედის კვირის“ საავტორო რეპორტაჟი

ამერიკაში ქართველებმა მსოფლიოში ერთ-ერთი ყველზე დაცული საბანკო და ჯანდაცვის სისტემების მოტყუება შეძლეს. რიგითმა ამერიკელებმა ამ ამბავს „საუკუნის თაღლითობა“ უწოდეს.

ფიქციური კომპანიები, ძირითადად კათეტერებზე, ამერიკელი პენსიონერების სახელით ჯანდაცვას მილიარდობით დოლარის მოთხოვნას უგზავნიდნენ.

გამოძიების ვერსიით, სქემის მონაწილეები პაციენტებისა და ექიმების მონაცემებს „დარქნეტზე“ ყიდულობდნენ და შესაბამისად, დოკუმენტაციის ნამდვილობა ეჭვს აღარ იწვევდა და თანხებიც ფიქციური კომპანიების ანგარიშებზე ყოველგვარი შეფერხების გარეშე ირიცხებოდა, შემდეგ კი, დანაშაულებრივი სინდიკატების ოფშორულ ანგარიშებზე ხვდებოდა. ხმაური მას შემდეგ დაიწყო, რაც ამერიკელმა პენსიონერებმა მიიღეს ათასობით დოლარის ხარჯთაღრიცხვა მომსახურებაზე, რომლითაც არ უსარგებლიათ.

„იმედის კვირამ“ მსგავსი თაღლითური სქემით მოქმედ კომპანიებსა და მათ ქართველ ფიგურანტებს ექსკლუზიურად მიაკვლია. მათი ნაწილი გამოძიების ფედერალური ბიუროს ,,თეთრი საყელოს“ დანაყოფმა უკვე დააკავა, ნაწილმა კი შტატები დატოვა.

ნახეთ სანდრო გამსახურდიას რეპორტაჟი და სპეცოპერაცია „ოქროს ციებ-ცხელება“.