ახალციხეში, „ვარდისფერი ოქტომბრის“ ფარგლებში ქალთა ჯანმრთელობის მხარდასაჭერი შემაჯამებელი ღონისძიება გაიმართა

ახალციხეში, „ვარდისფერი ოქტომბრის“ ფარგლებში ქალთა ჯანმრთელობის მხარდასაჭერი შემაჯამებელი ღონისძიება გაიმართა. კამპანია მიზნად ისახავს ქალთა ჯანმრთელობაზე ზრუნვის ხელშეწყობას, პრევენციული გამოკვლევების წახალისებასა და საზოგადოებაში იმ მნიშვნელოვანი გზავნილის გავრცელებას, რომ დაავადების დროული გამოვლენა მკურნალობის წარმატების შანსებს ზრდის.

„ძალიან ბევრი ქალის მობილიზებას შევძლებთ იმისთვის, რომ საკუთარ ჯანმრთელობას მეტი ყურადღება მიაქციონ. ქალებში ყველაზე გავრცელებული სიმსივნის თავიდან აცილება შეიძლება და ამისთვის ყველა საჭირო სერვისს სახელმწიფო უფასოდ უზრუნველყოფს. გვიხარია, რომ ამ კამპანიის ფარგლებში 17 000-ზე მეტი ქალი ჩაერთო“, - განაცხადა პარლამენტის ვიცე-სპიკერმა ნინო წილოსანმა.