სოფელ ბაზალეთში საგზაო ინფრასტრუქტურის სარეაბილიტაციო სამუშაოები მიმდინარეობს

დუშეთის მუნიციპალიტეტის სოფელ ბაზალეთში საგზაო ინფრასტრუქტურის სარეაბილიტაციო სამუშაოები მიმდინარეობს. პროექტის ფარგლებში ასფალტ-ბეტონის საფარი დაიგება 1.5 კმ-ზე მეტი სიგრძის გზაზე, მოეწყობა სანიაღვრე არხები და საცხოვრებელი სახლების ეზოებთან შესასვლელები.

სამუშაოების ღირებულება მილიონ 250 ათას ლარს აღემატება. ხელშეკრულებით განსაზღვრულ ვადებში, შიდა საავტომობილო გზის რეაბილიტაცია დასრულდა ქალაქ დუშეთის ორ დასახლებაში.