ირაკლი ქადაგიშვილი ოპოზიციის ორგანიზებულ „შაბათის მარშზე“: როდესაც აქცია მიზანდაკარგული და შინაარსგამოცლილია, იქ უკვე იწყება ბრალდებების მთელი კასკადი
პოლიტიკა

ირაკლი ქადაგიშვილი
ფოტო: ვიდეოკადრი
როდესაც აქცია მიზანდაკარგული და შინაარსგამოცლილია, იქ უკვე იწყება ბრალდებების მთელი კასკადი, - განაცხადა პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა ოპოზიციის ორგანიზებულ ე.წ. შაბათის მარშზე საუბრისას, რომელიც ოპოზიციის აქტივისტების დაპირისპირების მიზეზი გახდა.
„ჩვენ, პოლიტიკური პარტიების შემთვევაში იგივე სურათი ვიხილეთ, როდესაც ერთმანეთის ბრალდებებით იყვნენ და არიან დაკავებულები. ანალოგიურ სურათს ვუყურებთ ამ აქციის ორგანიზატორსა და მონაწილეებს შორის“, - აღნიშნა ქადაგიშვილმა.
ოპოზიციის აქტივისტი თამუნა გიორგაძე სოციალურ ქსელში წერს, რომ შაბათის მარშში მონაწილეობას წყვეტს.





