მაკა ბოჭორიშვილი: პარიზის მშვიდობის ფორუმი ერთ-ერთი მნიშვნელოვანი ფორუმია ევროპაში, რომლის ფარგლებშიც სხვადასხვა საკითხზე დისკუსიები იმართება, რომლებიც უკავშირდება უსაფრთხოებას, მშვიდობას და რა თქმა უნდა, ჩვენთვის ძალიან მნიშვნელოვანია, რომ ამ დისკუსიების ნაწილი არის საქართველო

საქართველოს ვიცე-პრემიერმა, საგარეო საქმეთა მინისტრმა მედიასთან პარიზის მშვიდობის ფორუმის მნიშვნელობას აფასებს. მაკა ბოჭორიშვილის განცხადებით, ეს ევროპაში უსაფრთხოებასთან და მშვიდობასთან დაკავშირებული ერთ-ერთი მნიშვნელოვანი ფორუმია.

„პარიზის მშვიდობის ფორუმი ერთ-ერთი მნიშვნელოვანი ფორუმია ევროპაში, რომლის ფარგლებშიც სხვადასხვა საკითხზე დისკუსიები იმართება, რომლებიც უკავშირდება უსაფრთხოებას, მშვიდობას და რა თქმა უნდა, ჩვენთვის ძალიან მნიშვნელოვანია, რომ ამ დისკუსიების ნაწილი არის საქართველო და საქართველოს ეძლევა შესაძლებლობა, ისაუბროს იმ მნიშვნელოვან გამოწვევებზე, რომლებიც უსაფრთხოების კუთხით აქვს. მნიშვნელოვანია, რომ საერთაშორისო თანამეგობრობის ძალისხმევა მიმართული იყოს სწორედ მშვიდობის ძიებისკენ და სწორედ მშვიდობამ მისცეს შესაძლებლობა ახალგაზრდებსა და ბავშვებს, განვითარდნენ და უკეთესი შესაძლებლობები ჰქონდეთ მომავალში”, - განაცხადა მაკა ბოჭორიშვილმა.

პარიზის მშვიდობის ფორუმზე დღეს მაკა ბოჭორიშვილი სიტყვით გამოვიდა და ყურადღება გაამახვილა როგორც საქართველოს წინაშე არსებულ გამოწვევებზე, მათ შორის რუსეთის მიერ საქართველოს ორი რეგიონის ოკუპაციით დაზარალებული ბავშვების უფლებების დაცვაზე, ისე მშვიდობის შენარჩუნების მნიშვნელობაზე.