ანალიტიკოსი: მას შემდეგ, რაც ტრამპმა რუსეთის მიმართ სანქციების უგუნურებაზე ილაპარაკა, ევროკავშირი და ევროპის ქვეყნები ცდილობენ ამ ტენდენციას არ ჩამორჩნენ

მას შემდეგ, რაც ტრამპმა რუსეთის მიმართ სანქციების უგუნურებაზე ილაპარაკა, მას შემდეგ ევროკავშირი და ევროპის ქვეყნები ცდილობენ, ამ ტენდენციას არ ჩამორჩნენ, - განაცხადა ანალიტიკოსმა ოთარ ჭულუხაძემ „დღის ქრონიკაში“.

როგორც მან აღნიშნა, ტრამპის ეს გზავნილი ზოგიერთი ქვეყნისთვის გადამდები აღმოჩნდა.

„ჩემი აზრით, გარკვეულწილად გადამდები აღმოჩნდა, მაგრამ გარკვეული ბზარი არსებობს. ეს გზავნილი, ცხადია, ყველას ვერ გადაედებოდა. იქ არიან ომის დიდი გულშემატკივრები.

ჩვენ კიდევ და კიდევ დავინახავთ რუსეთის რაღაცნაირ შემობრუნებას. ამის ერთ-ერთი სიმპტომი გახლავთ თუნდაც ის, რომ მთელ რიგ სპორტულ სახეობებში რუსეთი თავისი დამოუკიდებელი დროშით უკვე დააბრუნეს. ეს, ცხადია, არ მოხდებოდა ამერიკის ხელდასხმის გარეშე“, - აღნიშნა ანალიტიკოსმა.