ზვიად შალამბერიძე: ჩვენ ყოველთვის ვამხელდით იმ NGO-ებს, რომლებიც იღებდნენ დაფინანსებას, მათ შორის საელჩოებიდან. როდესაც ვამბობდით, რომ ეს ფული მიდის რადიკალური ოპოზიციის დაფინანსებაში, ამაზე მოდიოდა ძალიან დიდი ნეგატივი ქვეყნის ფარგლებს გარედან. საბოლოოდ აღმოჩნდა, რომ თვითონ ევროპა წარდგა ამ რეალობის წინაშე, რომ მათი გადახდილი თანხით ფინანსდებიან ისეთი რადიკალური ძალები, რომლებიც ცდილობენ, რომ არეულობა მოახდინონ ისევ ევროკავშირის ქვეყნებში

ჩვენ ყოველთვის ვამხელდით იმ NGO-ებს, რომლებიც იღებდნენ დაფინანსებას, მათ შორის საელჩოებიდან. როდესაც ვამბობდით, რომ ეს ფული მიდის რადიკალური ოპოზიციის დაფინანსებაში, ამაზე მოდიოდა ძალიან დიდი ნეგატივი ქვეყნის ფარგლებს გარედან. საბოლოოდ აღმოჩნდა, რომ თვითონ ევროპა წარდგა ამ რეალობის წინაშე, რომ მათი გადახდილი თანხით ფინანსდებიან ისეთი რადიკალური ძალები, რომლებიც ცდილობენ, რომ არეულობა მოახდინონ ისევ ევროკავშირის ქვეყნებში, - განაცხადა „დღის ქრონიკასთან“ რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველმა მოადგილემ ზვიად შალამბერიძემ.

მისი თქმით, საქართველოს ხელისუფლება მუდმივად ამხელდა იმ არასამთავრობო ორგანიზაციებს, რომლებიც ფინანსდებოდნენ ევროკავშირის ფულით, შემდეგ კი ეს თანხა ხმარდებოდა რადიკალური ოპოზიციისთვის აღჭურვილობის შეძენას.

ევროკომისიის და სოროსის ფონდის მიერ დაფინანსებულ რამდენიმე ორგანიზაციას ჰქონდა გარკვეული კავშირი ევროპის დედაქალაქებში მიმდინარე საპროტესტო აქციებთან. რა გამოდის, რომ საფრანგეთი, რომელიც თავის წილს იხდის ევროკავშირში და შეაქვს ეს დიდი ფინანსური მხარდაჭერა, საბოლოოდ ფრანგული ფული მიდის ისეთი არასამთავრობო ორგანიზაციების ჯიბეში, რომლებიც მერე აფინანსებენ იმ არეულობებს, რომელიც ხდება ისევ საფრანგეთში და იგივე შეიძლება იტალიაზე ვთქვათ. ეს თუ რეალურად დადასტურდა, ვფიქრობ, რომ ძალიან დიდი სკანდალის წინაშე აღმოჩნდება ევროკავშირი.

„პარალელი ძალიან მკაფიოა. ჩვენ ყოველთვის ვამხელდით იმ არასამთავრობო ორგანიზაციებს, რომლებიც რეალურად იღებდნენ დაფინანსებას, მათ შორის საელჩოებიდან. ძალიან კარგად გვახსოვს ის შეფუთული პროექტები ლამაზი სათაურებით, მათ შორის საფრანგეთის საელჩომაც არჩევნებამდე გააფორმა გარკვეული პროექტი აქტივისტთა ერთ-ერთ ჯგუფთან, რომელიც იყო ჩართული იმ პროცესში, რომელიც რუსთაველზე მიდიოდა. როდესაც ჩვენ ვამბობდით, რომ ეს ფული მიდის რადიკალური ოპოზიციის დაფინანსებაში, რომლებიც ყიდულობენ პიროტექნიკას, საწვავს, ბოთლებს, რომ ე.წ. მოლოტოვის კოქტეილები გააკეთონ, ამაზე მოდიოდა ძალიან დიდი ნეგატივი ქვეყნის ფარგლებს გარედან. საბოლოოდ აღმოჩნდა, რომ თვითონ ევროპა წარდგა ამ რეალობის წინაშე, რომ მათი გადახდილი თანხით ფინანსდებიან ისეთი რადიკალური ძალები, რომლებიც ცდილობენ, რომ არეულობა მოახდინონ ისევ ევროკავშირის ქვეყნებში. ეს არის ის რეალობა, რა რეალობაშიც ჩვენი ქვეყანა იყო და რა რეალობასაც ევროკავშირი წააწყდა“, - განაცხადაზვიად შალამბერიძემ.