„იმედის“ დარბევის საქმე ანა წითლიძემ „რაღაც საქმედ“ შეაფასა

„იმედის“ დარბევის საქმე „ნაციონალური მოძრაობის“ წევრმა ანა წითლიძემ „რაღაც საქმედ“ შეაფასა საკონსტიტუციო სასამართლოში. ეს წითლიძემ ახსნა-განმარტებების დროს თქვა, სადაც ორ საათზე მეტია, მოსამართლეებს უმტკიცებს, რომ წარსულის დანაშაულები არ უნდა იყოს აკრძალვის წინაპირობა.

„სისტემურ დანაშაულებში მაგალითად მითითებული აქვთ [„ქართულ ოცნებას“] მედიის წინააღმდეგ „ნაციონალური მოძრაობის“ ბრძოლა. ჩამოწერილი აქვთ მთელი რიგი რაღაცა ტელევიზიები“, - აღნიშნა წითლიძემ.