შალვა პაპუაშვილის ხელმძღვანელობით საპარლამენტო დელეგაციის სამუშაო ვიზიტი რომში გრძელდება

შალვა პაპუაშვილის ხელმძღვანელობით საპარლამენტო დელეგაციის სამუშაო ვიზიტი რომში გრძელდება - ევროპის საბჭოს წევრი ქვეყნების პარლამენტის თავმჯდომარეების კონფერენციაზე დღეს წესებზე დაფუძნებული საერთაშორისო წესრიგის გაძლიერებაზე იმსჯელებენ. ამ სესიაზე სიტყვით გამოვა შალვა პაპუაშვილი და დღესაც მიმართავს იტალიის პარლამენტში შეკრებილ კოლეგებს. ამასთან, გამართავს არაერთ ორმხრივ შეხვედრას.

მხოლოდ გუშინ საპარლამენტო დელეგაციამ ოთხი ორმხრივი აუდიენცია გამართა - მათ შორის ისრაელისა და კვიპროსის პარლამენტის თავმჯდომარეებთან. ასევე შალვა პაპუაშვილი დელეგაციის წევრებთან ერთად, კონფერენციის მასპინძელ მხარეს შეხვდა - საუბარია იტალიის პარლამენტში საქართველოსთან მეგობრობის ჯგუფის ხელმძღვანელსა და იტალიის დეპუტატთა პალატის სპიკერზე.

„შეხვედრებზე განვიხილეთ მომავალი ურთიერთობების გაღრმავების პერსპექტივები. აღნიშნა ორივე მხარის მხრიდან ძალიან გულწრფელი სურვილი, რომ ეს ურთიერთობები კიდევ უფრო გაღრმავდეს“, - განაცხადა „ხალხის ძალის“ თავმჯდომარის მოადგილე ეკა სეფაშვილმა.