თორნიკე ფაღავა: საზოგადოებას ძალიან კარგად ახსოვს ბატონი პაველ ჰერჩინსკის ზღვარგადასული რეაქცია 2024 წლის ძალადობრივი აქციების დაშლისას და საზოგადოება ძალიან კარგად ხედავს ბატონი ჰერჩინსკის რბილად რომ ვთქვათ, ძალიან მსუბუქ პოზიციას მსგავსი ტიპის მოვლენებზე საფრანგეთში

საზოგადოებას ძალიან კარგად ახსოვს ბატონი პაველ ჰერჩინსკის ზღვარგადასული რეაქცია 2024 წლის ძალადობრივი აქციების დაშლისას და საზოგადოება ძალიან კარგად ხედავს ბატონი ჰერჩინსკის რბილად რომ ვთქვათ, ძალიან მსუბუქ პოზიციას მსგავსი ტიპის მოვლენებზე საფრანგეთში, - განაცხადა „ქართული ოცნების“ დეპუტატმა თორნიკე ფაღავამ. მისი თქმით, ეს ევრობიუროკრატიის მხრიდან საქართველოს მიმართ პოლიტიკურ ინტერესზე მიუთითებს.

„ეს, პირველ რიგში, მიუთითებს იმაზე, რომ ევრობიუროკრატიას და ადამიანებს, რომლებიც ევრობიუროკრატიიდან საქართველოზე მუშაობენ, საქართველოსთან მიმართ აქვთ პოლიტიკური ინტერესი. მათი პოლიტიკური ინტერესი გამოიხატება იმაში, რომ როგორმე საქართველოს ხელისუფლების მიერ არჩეული სუვერენული კურსი დააზიანონ, ჩრდილი მიაყენონ და როგორმე ხელოვნურ სუნთქვაზე დააერთონ რადიკალური ოპოზიციის წარმომადგენლები, რომლებიც პირდაპირ იბრძვიან ქართული სახელმწიფოსა და ქართული სუვერენიტეტის წინააღმდეგ. რა თქმა უნდა, შემიძლია დაგარწმუნოთ, რომ საბოლოო ჯამში ეს ყველაფერი არ გამოუვათ მათ“, - მიიჩნევს ფაღავა.