ირაკლი ჭეიშვილი: მთელ მსოფლიოს კიდევ ერთხელ გავაგებინეთ ჩვენი ხედვა. პრემიერმა დეტალურად ისაუბრა იმაზეც, რომ ოკუპაციის პირობებში ყველაზე მეტად საქართველომ იცის მშვიდობის ფასი. შესაბამისად, ამიტომ არის მიუღებელი ჩვენი ე.წ. პარტნიორებისგან მუდმივ რეჟიმში კრიტიკა, ჭკუის სწავლება და მოწოდება, რომ თურმე ჩვენ არასწორ გზაზე ვდგავართ

ჩვენი ქვეყნის 20% ოკუპირებული აქვს რუსეთის ფედერაციას და გამოდის, რომ მარტო ვართ ამ ბრძოლაში, ამ პრობლემასთან გასამკლავებლად. ჩვენთვის არის წარმოუდგენლად რთული ჩვენი პარტნიორების გარეშე მსგავსი პრობლემის აღმოფხვრა და მასთან გამკლავება, - განაცხადა „ქართული ოცნების“ დეპუტატმა ირაკლი ჭეიშვილმა გადაცემაში „დღის ქრონიკა“.

მისი თქმით, არ შეიძლება საქართველოს ერთი მხრივ აბრალებდნენ, თითქოს ჩვენ ვწყვეტთ დიალოგს დასავლეთთან და მეორე მხრივ საქართველოს ხელისუფლება საუბრობდეს იმაზე, რომ პარტნიორების გარეშე ამ პრობლემებთან გამკლავება წარმოუდგენელია.

„მოგეხსენებათ, რომ პრემიერი გაეროს ასამბლეის 81-ე სამიტში მონაწილეობს. დღეს მას ჰქონდა შთამბეჭდავი სიტყვა. მთელ მსოფლიოს კიდევ ერთხელ გავაგებინეთ ჩვენი ხედვა, პოლიტიკა, რასაც ვატარებთ. პრემიერმა დეტალურად ისაუბრა იმაზეც, რომ ოკუპაციის პირობებში ყველაზე მეტად საქართველომ იცის მშვიდობის ფასი. შესაბამისად, ამის ფონზე, რა პოლიტიკასაც ჩვენ ვატარებთ, ამიტომ არის მიუღებელი ჩვენი ე.წ. პარტნიორებისთვის და მათგან მუდმივ რეჟიმში კრიტიკა, ჭკუის სწავლება და მოწოდებაა, რომ თურმე ჩვენ არასწორ გზაზე ვდგავართ და არასწორ პოლიტიკას ვატარებთ ევროკავშირისა და დანარჩენი სხვა ქვეყნების მიმართ.

საუბარია იმაზე, რომ 20% ჩვენი ქვეყნის ოკუპირებული აქვს რუსეთის ფედერაციას, აქედან გამომდინარე გამოდის, რომ მარტო ვართ ამ ბრძოლაში, ამ პრობლემასთან გასამკლავებლად. ეს ჩვენთვის არის წარმოუდგენლად ძალიან რთული, ჩვენი პარტნიორების გარეშე მსგავსი პრობლემის აღმოფხვრა და გამკლავება.

ამაზე საუბრობს პრემიერიც, რომ არ შეიძლება ერთი მხრივ გვაბრალებდნენ, თითქოს ჩვენ ვწყვეტთ დიალოგს დასავლეთთან და მეორე მხრივ ვსაუბრობთ იმაზე, რომ ჩვენ მათ გარეშე ამ პრობლემბთან გამკლავება წარმოუდგენლად მიგვაჩნია“, - განაცხადა ჭეიშვილმა.

მისი თქმით, საქართველო მოუწოდებს პარტნიორებს, რომ ერთად დგომით, დიალოგის აღდგენით, გადატვირთვის პროცესით და ურთიერთობის განახლებით შევძლებთ დავძლიოთ პრობლემა, რომელიც საქართველოს წინაშე დგას.