ირაკლი ჭეიშვილი საფრანგეთში ეკა გიგაურის სიტყვით გამოსვლაზე: ეკა გიგაურისნაირი ქვეყნის მოღალატეები რომ ჩავლენ და მათ პოზიციას გაიზიარებენ, დამერწმუნეთ, მისი განცხადების საფუძველზე რაღაც რეზოლუციას მიიღებენ და ეცდებიან ქვეყნის დასჯას

ეკა გიგაურისნაირი ქვეყნის მოღალატეები რომ ჩავლენ და მათ პოზიციას გაიზიარებენ [ევრობიუროკრატები], დამერწმუნეთ, მისი განცხადების საფუძველზე რაღაც რეზოლუციას მიიღებენ და ეცდებიან ქვეყნის დასჯას, - განაცხადა საპარლამენტო უმრავლესობის წევრმა, ირაკლი ჭეიშვილმა „დღის ქრონიკაში“.

დეპუტატი საფრანგეთის ეროვნული ასამბლეის შენობაში საქართველოს შესახებ გამართულ დისკუსიაზე ეკა გიგაურის გამოსვლას გამოეხმაურა.

„ეკა გიგაურისნაირები ჩაჰყავთ ევროსაბჭოში, ევროკავშირში, გამოდიან სიტყვით, შემდეგ ეყრდნობიან მათ მიერ მიწოდებულ ინფორმაციას და რეზოლუციას რეზოლუციაზე იღებენ „ქართული ოცნების“ და სახელმწიფოს წინააღმდეგ. სახელმწიფოს დასჯას ითხოვენ. კაბინეტ-კაბინეტებში არ დარბოდნენ „ეკა გიგაურები“, მსგავსი „ენჯეოშნიკები“ და პოლიტიკოსები და არ ამბობდნენ, რომ ასოცირების ხელშეკრულება არ უნდა მიეცათ საქართველოსთვის, რომ უვიზო რეჟიმი უნდა შეწყვეტილიყო?! ეს „ქართული ოცნების“ დასჯაა, თუ ქვეყნის და ქართველი ხალხის?! უპირველეს ყოვლისა, ხომ ჩვენი ქვეყნის დასჯაა?! ეკა გიგაურისნაირი ქვეყნის მოღალატეები რომ ჩავლენ და მათ პოზიციას გაიზიარებენ [ევრობიუროკრატები], დამერწმუნეთ, მისი განცხადების საფუძველზე რაღაც რეზოლუციას მიიღებენ და ეცდებიან ქვეყნის დასჯას. სანამ რიტორიკას არ შეიცვლიან და მხოლოდ ცალ მხარეს მოუსმენენ ევროკავშირის ქვეყნები, მანამ ურთიერთობის გადატვირთვის პროცესი არ დაიწყება “, - აღნიშნა ჭეიშვილმა.