ნუკრი შოშიაშვილი სანქცირებულთა სიიდან ორი რუსი ოლიგარქის ამოღებასთან დაკავშირებით: ეს შეიძლება იქნას გაგებული, როგორც გზავნილი რუსეთისთვის, რომ ევროპა მზად არის გარკვეულწილად სანქციები მოხსნას და შეარბილოს ურთიერთობები რუსეთთან, მაგრამ რუსეთმაც უნდა დათმოს

ეს შეიძლება იქნას გაგებული, როგორც გზავნილი რუსეთისთვის, რომ ევროპა მზად არის გარკვეულწილად სანქციები მოხსნას და შეარბილოს ურთიერთობები რუსეთთან, მაგრამ რუსეთმაც უნდა დათმოს, - განაცხადა „დღის ქრონიკასთან“ ისტორიკოსმა ნუკრი შოშიაშვილმა სანქცირებულთა სიიდან ორი რუსი ოლიგარქის ამოღებასთან დაკავშირებით.

მისი თქმით, სანქცირებულთა სიიდან რუსი ოლიგარქების ამოღება შესაძლოა ატარებდეს ფარულ გზავნილს რუსეთისთვის.

„ეს შეიძლება ორნაირად იქნას გაგებული. ერთი ის, რომ თვითონ რუსეთისთვის გზავნილი, რომ ევროპა მზად არის გარკვეულწილად, რომ სანქციები მოხსნას რაღაც შემთხვევაში და შეარბილოს ურთიერთობები რუსეთთან და აღადგინოს ეს ურთიერთობები, მაგრამ რუსეთმაც უნდა დათმოს.
ჩვენ ვნახეთ ლავროვის გამოსვლა. ლავროვი მკაცრია არის ამ განცხადებებში და ძველ გზას აგრძელებს. ამ შემთხვევაში ეს არის, ერთი მხრივ, მცდელობები და, მეორე მხრივ, მინიშნება, რომ რუსულ ოლიგარქიას შეიძლება ჰქონდეს დასავლეთის იმედი, თუკი ის რაღაც სხვა გზას დაადგება. ასეთი ფარული გზავნილი შეიძლება ამაში დავინახოთ, მაგრამ მთავარი არის აქ ის, რომ ეს არის მნიშვნელოვანი მცდელობა, რომელიც მშვიდობისკენ არის ორიენტირებული. არ არის იმისკენ ორიენტირებული, რომ რაღაც გაამძაფროს. ჩვენ ვნახეთ წინა წლების შეხვედრები გაეროში და იქ სულ სხვა რიტორიკა იყო. ომისგან დაღლა გაზრდილია, ეს ფაქტია, ხომ?! მოელიან რუსეთისგან გარკვეულწილად დათმობებს“, - განაცხადა ნუკრი შოშიაშვილმა.

ცნობისათვის, ევროკავშირი დათანხმდა ორი რუსი ოლიგარქის, ალიშერ უსმანოვისა და მიხაილ ფრიდმანის სასანქციო სიიდან ამოღებას. ეს გადაწყვეტილება მიიღეს 2026 წლის სექტემბერში ევროკავშირის წევრი ქვეყნების ელჩების შეხვედრაზე, როდესაც ბლოკმა რუსეთის წინააღმდეგ მოქმედი ინდივიდუალური სანქციები უპრეცედენტო ვადით, 2029 წლის სექტემბრამდე გაახანგრძლივა.