დავით მათიკაშვილი ლუქსემბურგში გამართულ შეხვედრებზე: საქართველოსთან მიმართებით იყო საინტერესო კითხვები დასმული საქართველოს პოზიციონირებასთან დაკავშირებით, ჩვენ მიმართ არსებული გამოწვევების შესახებ, უკრაინაში მიმდინარე ომის ფონზე. ადეკვატური, დასაბუთებული პასუხები იყო გაცემული

საპროცედურო საკითხთა და წესების საპარლამენტო კომიტეტის თავმჯდომარემ დავით მათიკაშვილმა, რომელიც საპარლამენტო დელეგაციასთან ერთად ლუქსემბურგში ვიზიტით იმყოფება, ვიზიტის ფარგლებში გამართული შეხვედრების შესახებ მედიასთან ისაუბრა.

„საქართველოსთან მიმართებით იყო საინტერესო კითხვები დასმული საქართველოს პოზიციონირებასთან დაკავშირებით, ჩვენ მიმართ არსებული გამოწვევების შესახებ, უკრაინაში მიმდინარე ომის ფონზე. ადეკვატური, დასაბუთებული პასუხები იყო გაცემული. ჩვენთვის მნიშვნელოვანია დიალოგი, რომელიც კიდევ უფრო მეტად წარმოაჩენს საქართველოს სწორ პოზიციას იმ მოცემულობაში, სადაც ორმაგი სტანდარტის პირობებში არის მუდმივი მცდელობა ევრობიუროკრატიის მხრიდან, იყოს ზეწოლა საქართველოზე და ქართულ ხელისუფლებაზე“, - განაცხადა დავით მათიკაშვილმა.

საქართველოს პარლამენტის თავმჯდომარის, შალვა პაპუაშვილის ხელმძღვანელობით, საპარლამენტო დელეგაცია ლუქსემბურგში ვიზიტით იმყოფება.