გურამ მაჭარაშვილი: ამიტომ არის საჭირო „გამჭვირვალობის კანონი“, რომ უცხოეთიდან, ნებისმიერი ფონდის მხრიდან, აღარ ხდებოდეს სიძულვილის ენის, ბულინგისა და მსგავსი ქმედებების წამახალისებელი დაფინანსება

ამიტომ არის საჭირო გამჭვირვალობის კანონი, რომ საზოგადოებამ იცოდეს, სად მიდის ის ფული, რომელიც უცხოეთიდან ირიცხება, - განაცხადა „ხალხის ძალის“ ერთ-ერთმა ლიდერმა გურამ მაჭარაშვილმა მუსიკოს „კორძის“ კონცერტის გაუქმებასთან დაკავშირებით.

მისი თქმით, საყურადღებოა ის ფაქტი, რომ მომავალში უცხოეთიდან, ნებისმიერი ფონდის მხრიდან, აღარ ხდებოდეს სიძულვილის ენის, ბულინგისა და მსგავსი ქმედებების წამახალისებელი ღონისძიებების დაფინანსება.

„სამწუხაროა, მაგრამ ევროკავშირს, მის ფონდებსა და ევროკავშირის ზოგიერთ სახელმწიფოს სჭირდება საზოგადოების მხრიდან ასეთი მხილება და პროტესტი, რათა აღარ ჩატარდეს და დაფინანსდეს შეურაცხმყოფელი და წამახალისებელი კონცერტები - იმ ადამიანის კონცერტები, რომელიც საქართველოს მილიონობით მოქალაქეს შეურაცხყოფას აყენებს.

ამიტომ არის საჭირო გამჭვირვალობის კანონი, რომ საზოგადოებამ იცოდეს, სად მიდის ის ფული, რომელიც უცხოეთიდან ირიცხება. ერთი მხრივ კარგია, რათა მიხვდნენ, რომ ასეთი ტიპის კონცერტების დაფინანსება დაუშვებელია, ხოლო მეორე მხრივ, საყურადღებოა ის ფაქტი, რომ მომავალში უცხოეთიდან, ნებისმიერი ფონდის მხრიდან, აღარ ხდებოდეს სიძულვილის ენის, ბულინგისა და მსგავსი ქმედებების წამახალისებელი დაფინანსება“, - აღნიშნა მაჭარაშვილმა.