გიორგი ვოლსკი ბახმაროში ჩატარებულ სემინარზე: ევროკავშირის არც ერთი ქვეყანა არ დაუშვებდა, რომ მათი კანონი მათ ტერიტორიაზე ირღვეოდეს, მით უმეტეს, თუ ეს გამჭვირვალობასთან არის დაკავშირებული

„ქრონიკის“ კითხვაზე, თუ რა სახის მხარდაჭერა გაუწია ევროპის საბჭომ არმაზ ახვლედიანის ორგანიზატორობით გამართულ სემინარს, ევროპის საბჭოს ადგილობრივი ოფისის ხელმძღვანელს ამ დრომდე არ უპასუხია.

მმართველ გუნდში ამბობენ, რომ ევროკავშირის არც ერთი ქვეყანა არ დაუშვებდა მათი კანონის მათივე ტერიტორიაზე დარღვევას.

„ფაქტია, რომ ევროკავშირის არც ერთი ქვეყანა არ დაუშვებდა, რომ მათი კანონი მათ ტერიტორიაზე ირღვეოდეს, მით უმეტეს, თუ ეს გამჭვირვალობასთან არის დაკავშირებული. ჩვენ ვალდებულები ვართ, ყურადღება მივაქციოთ ამ თემას და აუდიტის სამსახური ვალდებულია, კარგად, სიღრმისეულად ჩაიხედოს - არა იმიტომ, რომ რაღაც პოლიტიკურ პაექრობაში შევიდეს ვინმესთან, არამედ იმისთვის, რომ საქართველოს სუვერენიტეტი დაიცვას და ექსტრემისტული პროცესების განვითარების საშუალება არ მისცეს“, - განაცხადა გიორგი ვოლსკიმ.

ცნობისთვის, ბახმაროში გამართულ სემინარს, რომელიც ევროსაბჭოს მხარდაჭერით გაიმართა, აუდიტის სამსახური შეისწავლის.