სოსო მანჯავიძე ისლანდიის რეფერენდუმის შედეგებზე: მათ არ აქვთ არავითარი პრობლემა, ერთ სულ მოსახლეზე მშპ უზარმაზარი აქვთ და რატომ უნდა გადასცენ სუვერენიტეტის ნაწილი იმ გაერთიანებას, რომელსაც ბუნდოვანი მომავალი აქვს?

მათ არ აქვთ არავითარი პრობლემა, ერთ სულ მოსახლეზე მშპ უზარმაზარი აქვთ და რატომ უნდა გადასცენ სუვერენიტეტის ნაწილი იმ გაერთიანებას, რომელსაც ბუნდოვანი მომავალი აქვს? - განაცხადა გადაცემაში „იმედი LIVE“ პოლიტოლოგმა სოსო მანჯავიძემ ისლანდიის რეფერენდუმის შედეგებზე მსჯელობისას.

„რატომ აქვს ბუნდოვანი მომავალი - ევროკავშირის წილი, როგორც ეკონომიკური, ისე დემოგრაფიული, გლობალურ მოთამაშეებთან შედარებით, ისევე როგორც მთელი დედამიწის დემოგრაფიასთან მიმართებით, განუხრელად მცირდება, მათ შორის იმის გამო, რომ ევროკავშირი დემოგრაფიულ კვდომას განიცდის. ამას გარდა, ევროკავშირმა რომ შექმნა შტატები, ეს გამოიწვევს ევროკავშირში არსებულ სახელმწიფოებს შორის უზარმაზარ პრობლემებს. ევროკავშირში არის უამრავი პოტენციური კონფლიქტის კერა, ვგულისხმობ ეთნიკურ, რელიგიურ და ტერიტორიულ პრეტენზიებს, რომელიც ევროკავშირში დასახლებულ ეთნიკურ ჯგუფებს აქვთ. აქედან გამომდინარე, ევროშტატების შექმნა არარეალისტურად მეჩვენება“, - აღნიშნა მანჯავიძემ.

ისლანდიაში ევროკავშირში გაწევრების შესახებ რეფერენდუმი 29 აგვისტოს ჩატარდა. მოსახლეობის 52,8%-მა ევროკავშირთან გაწევრების შესახებ მოლაპარაკებების განახლებას მხარი არ დაუჭირა.