„არა, კომენტარს არ ვაკეთებ“, - ევროპის საბჭოს ადგილობრივი ოფისის ხელმძღვანელი ბახმაროს სემინარის შესახებ „ქრონიკის“ კითხვებს არ პასუხობს

რა სახის მხარდაჭერა გაუწია ევროპის საბჭომ არმაზ ახვლედიანის ორგანიზატორობით გამართულ სემინარს - ევროპის საბჭოს ადგილობრივი ოფისის ხელმძღვანელი „ქრონიკის“ კითხვებს არ პასუხობს.

„ქრონიკამ“ მას ერთ-ერთ ღონისძიებაზე შემდეგი კითხვებით მიმართა: „შეგიძლიათ გვითხრათ, რა სახის მხარდაჭერა გაუწია ევროსაბჭომ ბახმაროში გამართულ სემინარს? ევროსაბჭომ უზრუნველყო სემინარის ხარჯები?“

„არა მგონია, რომ ეს სათანადო ღონისძიება იყოს ამაზე სასაუბროდ. არა, კომენტარს არ ვაკეთებ“, - განაცხადა მან.

ევროსაბჭოს მხარდაჭერილი სემინარით აუდიტის სამსახური დაინტერესდა და შესაბამის გარემოებებს სწავლობს. მმართველი გუნდი კი ევროპის საბჭოსგან განმარტებებს ითხოვს.