გიორგი სოსიაშვილი „კორძის“ კონცერტზე: ევროკავშირი აფინანსებს უხამსი კლიპებისა და სიტყვების ავტორის კონცერტს, თან გორში, რომელიც არის ომგადატანილი ქალაქი და ყველაზე მეტად, ამ ქალაქმა იცის მშვიდობის ფასი

ევროკავშირის ელჩმა კეთილი უნდა ინებოს და ამ კითხვებზე პასუხი გასცეს, - განაცხადა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილემ გიორგი სოსიაშვილმა, რითაც იმ ფაქტს გამოეხმაურა, რომ ევროკავშირის ელჩი „ქრონიკის“ კითხვას - იზიარებს თუ არა ევროკავშირი პასუხისმგებლობას „კორძის“ მიერ მილიონზე მეტი ქართველის შეურაცხყოფასა და მისი კონცერტის ევროკავშირის მხარდაჭერაზე, ელჩმა უპასუხოდ დატოვა.

„ევროკავშირი აფინანსებს უხამსი კლიპებისა და სიტყვების ავტორის კონცერტს, თან გორში, რომელიც არის ომგადატანილი ქალაქი და ყველაზე მეტად ამ ქალაქმა იცის მშვიდობის ფასი. მე არ მახსოვს მისგან, რაიმე ეროვნული პროექტისთვის დაეჭიროს მხარი. ეს არის შეურაცხმყოფელი ქმედება და ნაბიჯი ქართული საზოგადოების და სახელმწიფოს მიმართ“, - აღნიშნა სოსიაშვილმა.