ლადო სადღობელაშვილი გვარამიას განცხადებაზე: ასეთი ტიპის განცხადებების გამო საზღვარგარეთ ხალხს აპატიმრებენ, სჯიან

ასეთი ტიპის განცხადებების გამო საზღვარგარეთ ხალხს აპატიმრებენ, სჯიან, - განაცხადა ანალიტიკოსმა ლადო სადღობელაშვილმა „დღის ქრონიკაში“.

ანალიტიკოსი ნიკა გვარამიას განცხადებას გამოეხმაურა.

„როდესაც გვარამიაზე ვსაუბრობთ, არ უნდა დაგვავიწყდეს მისი წარსული. ეს ადამიანი გახლავთ იმ პარტიის წარმომადგენელი, რომლის პარტიაც ერთხელ უკვე ჩაება ომში. შედეგად დაიკარგა 135 სოფელი სამაჩაბლოში, 22 დაემატა აფხაზეთს. ამ ადამიანმა ასე ვთქვათ, ერთხელ უკვე აწარმოვა ომი. განცხადების ქვეტექსტია ომის სურვილი, თორემ პირდაპირ არის ფაშისტური განცხადება. მეორე მხრივ, ეს არის სიგნალი დასავლეთისთვის, რომ მე მზად ვარ აქ ჩავება იმ საქმეში, რასაც ჰქვია ომის დაწყება საჭიროებისამებრ. დამაფინანსეთ, გამაძლიერეთო. ასეთი ტიპის განცხადებების გამო საზღვარგარეთ ხალხს აპატიმრებენ, სჯიან“, - აღნიშნა სადღობელაშვილმა.

კოალიცია „ცვლილებისთვის“ ერთ-ერთმა ლიდერმა, ნიკა გვარამიამ, იუთუბ გადაცემაში სტუმრობისას ქართველებსა და აფხაზებს შორის არსებულ ურთიერთობებსა და კონფლიქტის მოგვარების გზებზე ისაუბრა. მისი განცხადებით, აფხაზებსა და ქართველებს ერთმანეთის მიმართ სიყვარული არ გააჩნიათ და წარსული მოვლენების გამო მხარეებს შორის ურთიერთზიზღი და მტრობა ბუნებრივად არის განპირობებული.