დავით მათიკაშვილი გვარამიას განცხადებაზე: გვარამია ხომ პრაქტიკულად საქართველოს მტრების სახელით საუბრობს და თავად ეს საუბარიც ჩვენი ქვეყნის მტრობაა

გვარამია ხომ პრაქტიკულად საქართველოს მტრების სახელით საუბრობს და თავად ეს საუბარიც ჩვენი ქვეყნის მტრობაა,- განაცხადა საპროცედურო საკითხთა და წესების საპარლამენტო კომიტეტის თავმჯდომარემ დავით მათიკაშვილმა გვარამიას განცხადებაზე.

მისი თქმით, გარე ძალები კატეგორიულად ეწინააღმდეგებიან შერიგებას ქართველ და აფხაზ ხალხს შორის.

„ცალსახად შეგვიძლია ვთქვათ, ძალიან ეშინიათ იმის, რომ საქართველოს ხელისუფლების მშვიდობიანმა პოლიტიკამ თავის შედეგს მიაღწიოს. კატეგორიულად ეწინააღმდეგებიან შერიგებას ქართველ და აფხაზ ხალხს შორის. ის [გვარამია] ხომ პრაქტიკულად საქართველოს მტრების სახელით საუბრობს და თავად ეს საუბარიც ჩვენი ქვეყნის მტრობაა“, - განაცხადა მათიკაშვილმა.