დავით მათიკაშვილი გერმანიაში ჩატარებულ არჩევნებზე: ეს პოლიტიკა, რომელიც ნიშნავს არ მოსმენას საკუთარი მოსახლეობის, მათი ინტერესების არ გათვალისწინებას და მთლიანად სხვა ღერძზე გადასვლას, რომელიც უცხოეთიდან არაფორმალური ძალების ინტერესების დაცვას გულისხმობს, სწორედ ეს ყველაფერი ერთობლიობაში არის მიზეზი იმისა, რაც დაემართა მოქმედ კანცლერს გერმანიაში

ეს პოლიტიკა, რომელიც ნიშნავს არ მოსმენას საკუთარი მოსახლეობის, მათი ინტერესების არ გათვალისწინებას და მთლიანად სხვა ღერძზე გადასვლას, რომელიც უცხოეთიდან არაფორმალური ძალების ინტერესების დაცვას გულისხმობს, სწორედ ეს ყველაფერი ერთობლიობაში არის მიზეზი იმისა, რაც დაემართა მოქმედ კანცლერს გერმანიაში, - ასე ეხმაურება საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი გერმანიაში ჩატარებული არჩევნების შედეგებს.

მისი თქმით, იმ პოლიტიკამ, რომელსაც გერმანიის მოქმედი ხელისუფლება აწარმოებს, ქვეყანა ეკონომიკურ კრიზისამდე მიიყვანა.

„ქაოტური მიგრაცია, ამ მიგრაციის შეკავების შეუძლებლობა, ეკონომიკური კრახი, ეკონომიკის პროგრესის დაბლა დასვლა - ეს ყველაფერი საბოლო ჯამში იწვევს იმას, რომ მმართველი პარტიები, კანცლერები, პრეზიდენტები კარგავენ რეიტინგს და ნდობას საკუთარი ხალხის“, - განაცხადა დავით მათიკაშვილმა.

გერმანიის ორ რეგიონში ქრისტიან-დემოკრატიულმა კავშირმა ისტორიული მარცხი განიცადა. მეკლენბურგ-წინა პომერანიაში ის პარლამენტშიც კი ვერ მოხვდა, ბერლინის არჩევნებში კი მეორე ადგილზე გავიდა. ამ ფონზე ფრიდრიხ მერცი კანცლერის თანამდებობიდან წასვლას არ გეგმავს. გერმანული მედია კი წერს, რომ არჩევნების შედეგებმა პარტიაში კრიზისი გააღრმავა და მერცის მმართველობის მიმართ თანაპარტიელების უკმაყოფილება მზარდია. „ველტის“ ცნობით, ვითარების განსახილველად გერმანიის ცხრა რეგიონის ქრისტიან-დემოკრატი ხელმძღვანელი დღეს მერცის გარეშე იკრიბება. ფრიდრიხ მერცის გადადგომას ითხოვს მეკლენბურგ-წინა პომერანიის არჩევნებში გამარჯვებული პარტიის, „ალტერნატივა გერმანიისთვის“ ლიდერი ალის ვაიდელი.