სიმართლე, რომელმაც ურსულა ფონ დერ ლაიენს ნიღაბი ჩამოხსნა. „იმედის კვირის“ საავტორო რეპორტაჟი

ფონ დერ ლაიენს შავი ოთხშაბათი დაუდგა. ევროკომისიის პრეზიდენტს ევროდეპუტატებმა შეუტიეს. განწყობა მძიმეა - პოლიტიკოსები პირდაპირ ამბობენ, რომ დუმილის დრო აღარ არის. ევროპა კარგავს ევროპულ ღირებულებებს, ხალხის ხმა აღარც საკუთარ მთავრობებს და აღარც ბრიუსელს ესმის.

შოკისმომგვრელი შეფასებების მოსმენამ დარბაზში უხერხულობა მხოლოდ კრიტიკისა და ბრალდებების მთავარ ადრესატს არ შეუქმნა. ფონ დერ ლაიენის მხარდამჭერი დეპუტატების ნაწილმა ოპონირებას დუმილი არჩია.

ერთ-ერთი ყველაზე მწვავე გამოსვლა ბერძენ ევროპარლამენტარ აფროდიტი ლათინოპოლუსს ჰქონდა. ის, რაც ბერძენმა დეპუტატმა თქვა, მხოლოდ ფონ დერ ლაიენის წინააღმდეგ ერთი ევროპარლამენტარის გამოსვლა აღარ არის.

არამხოლოდ დეპუტატები, თავად საზოგადოება სვამს კითხვებს - ევროპა რეალურად იცავს ევროპელი მოქალაქეების ინტერესებს, თუ ბრიუსელში წარმოებული პოლიტიკა ორიენტირებულია მხოლოდ ევროლიდერებზე.

სიმართლე, რომელმაც ურსულა ფონ დერ ლაიენს ნიღაბი ჩამოხსნა, - ნახეთ შორენა ხვიჩიას საავტორო რეპორტაჟში.