ბაჩო ოდიშარია: ისეთივე კოორდინირებული შეტევა, როგორიც ახლა მიმდინარეობს გიორგი გველესიანზე ნაცლიბერალური ბაბლის მხრიდან, ზუსტად ასეთივე ისტერიული თავდასხმები ხორციელდებოდა ნაკრების ფეხბურთელებზე აქციების დროს, რათა მათ ამ ბაბლისთვის მისაღები პოზიცია დაეფიქსირებინათ

ისეთივე კოორდინირებული შეტევა, როგორიც ახლა მიმდინარეობს გიორგი გველესიანზე ნაცლიბერალური ბაბლის მხრიდან, ზუსტად ასეთივე ისტერიული თავდასხმები ხორციელდებოდა ნაკრების ფეხბურთელებზე აქციების დროს, რათა მათ ამ ბაბლისთვის მისაღები პოზიცია დაეფიქსირებინათ, - წერს სოციალურ ქსელში კინომცოდნე ბაჩო ოდიშარია.

ოდიშარიას განცხადებით, მიუხედავად იმისა, რომ გველესიანს არ დაუკონკრეტებია, თუ ვისგან, რომელი ძალისგან მოდიოდა კონკრეტული სახის წნეხი, ნაცლიბერალურმა ბაბლმა აღნიშნულის ილუსტრაცია თავადვე მოახდინა.

„ისეთივე კოორდინირებული შეტევა, როგორიც ახლა მიმდინარეობს გიორგი გველესიანზე ნაცლიბერალური ბაბლის მხრიდან, ზუსტად ასეთივე ისტერიული თავდასხმები ხორციელდებოდა ნაკრების ფეხბურთელებზე აქციების დროს, რათა მათ ამ ბაბლისთვის მისაღები პოზიცია დაეფიქსირებინათ. სწორედ ამაზე ილაპარაკა გიორგიმ. მას არ დაუსახელებია კონკრეტულად, ვინ და რა ფორმით ახდენდა ზეწოლას ფეხბურთელებზე (და არა მხოლოდ), მაგრამ ამის ილუსტრაცია თავადვე მოახდინეს მისი ნათქვამის ადრესატებმა.

მადლობა გიორგის ნაკრებში ჩატარებული ბრწყინვალე მატჩებისთვის - მისი როლი ევროპის ჩემპიონატზე მიღწეულ წარმატებაში ფასდაუდებელია და კიდევ უფრო დიდი მადლობა იმისთვის, რომ აკაკანებული ბაბლისგან განსხვავებით, მას სამშობლოს განცდა და ეროვნულობის შეგრძნება გააჩნია“, - წერს ოდიშარია.

გიორგი გველესიანმა „ჯეო თიმთან“ ინტერვიუში 2024 წლის მოვლენების შესახებ განაცხადა: „საქართველო იდგა ეგზისტენციალური საფრთხის ქვეშ. არჩევანი იყო „ქართულ ოცნებასა“ და კოლექტიურ ქვეყნის მოღალატეებს შორის - ყველა პოზასა და ყველა სიტუაციაში გამოჭერილი, გაფუჭებული მოღალატეები სანამ არ მოშორდებიან ქართულ პოლიტიკურ ველს, მანამდე ძალიან რთულია რაიმე სიკეთეზე საუბარი“. მან ასევე აღნიშნა: „ფეხბურთელებს წნეხი ჰქონდათ სხვადასხვა ძალისგან, რომ მხარდამჭერი პოსტები დაედოთ. უმეტესობამ დაწერა - „ჩვენი გზა არის ევროპაში“. მე შეკითხვა დავსვი, ვიცით, რას მოუტანს ეს ჩვენს ეკონომიკას? რაიმე კავშირში შესვლა რატომ არის ჩვენი პანაცეა და მაშინდელი ძალები მე თავს დამესხნენ“.