„გველესიანი გაგვიზრდია უბეში“ - გიორგი გველესიანის მიმართ ბულინგის კამპანია გააქტიურდა

გიორგი გველესიანის ბულინგის კამპანია გააქტიურდა, მას შემდეგ რაც ფეხბურთელმა კონკრეტული ძალების მხრიდან მომდინარე წნეხზე ილაპარაკა, რომლებიც აქციების დროს პოსტების დაწერას ავალებდნენ. კამპანიის ავტორები, რომელთაც გველესიანის ნათქვამი არ მოეწონათ, მას შეურაცხყოფას აყენებენ.

„ამ ბიჭმა გამაგებინოს, რომელმა ძალებმა იმოქმედეს და დაწნეხეს ფეხბურთელები, რომ თავიანთი აზრი გამოეხატათ. ნეტავ, სინდისი არ აწუხებს?“, - წერს ბუდუ ზივზივაძის მამა, კახაბერ ზივზივაძე.

„ბრძნადმეტყველი რომ გვეგონა, “მალიარი” ყოფილა.

საწყალი, რეებს როშავს ეს ძალით ფილოსოფოსი, აიათოლას ფეხბურთელი“, - წერს „ფედერალისტების“ ლიდერი თამარ ჩერგოლეიშვილი სოციალურ ქსელში.

„„რუსოფობია“, „საქართველო იდგა ეგზისტენციალური საფრთხის ქვეშ“, „კოლექტიური“ „მოღალატეები“, „სანამ არ მოშორდებიან ქართულ პოლიტიკურ ველს, მანამდე…“ - უკლებლივ ყველა არის რუსული მესიჯბოქსიდან ამოკრეფილი“, - წერს „გირჩი - მეტი თავისუფლების“ ლიდერი ზურაბ გირჩი ჯაფარიძე.

„გველესიანი გაგვიზრდია უბეში“, - წერს რადიკალური ოპოზიციის ერთ-ერთი ლიდერი, გოგა ხაჩიძე.

გიორგი გველესიანმა „ჯეო თიმთან“ ინტერვიუში 2024 წლის მოვლენების შესახებ განაცხადა: „საქართველო იდგა ეგზისტენციალური საფრთხის ქვეშ. არჩევანი იყო „ქართულ ოცნებასა“ და კოლექტიურ ქვეყნის მოღალატეებს შორის - ყველა პოზასა და ყველა სიტუაციაში გამოჭერილი, გაფუჭებული მოღალატეები სანამ არ მოშორდებიან ქართულ პოლიტიკურ ველს, მანამდე ძალიან რთულია რაიმე სიკეთეზე საუბარი“. მან ასევე აღნიშნა: „ფეხბურთელებს წნეხი ჰქონდათ სხვადასხვა ძალისგან, რომ მხარდამჭერი პოსტები დაედოთ. უმეტესობამ დაწერა - „ჩვენი გზა არის ევროპაში“. მე შეკითხვა დავსვი, ვიცით, რას მოუტანს ეს ჩვენს ეკონომიკას? რაიმე კავშირში შესვლა რატომ არის ჩვენი პანაცეა და მაშინდელი ძალები მე თავს დამესხნენ“.