ლაშა ფარულავა: არა მხოლოდ ვეთანხმები ლევან ხაბეიშვილს, ვმუშაობთ, რომ მისი განცხადება სისრულეში მოვიყვანოთ - თამარ ჩერგოლეიშვილის პოზიციები არ გვაინტერესებს, სინამდვილეში არც არავის აინტერესებს

არა მხოლოდ ვეთანხმები ლევან ხაბეიშვილს, ვმუშაობთ, რომ მისი განცხადება სისრულეში მოვიყვანოთ, - განაცხადა „ნაციონალური მოძრაობის“ წევრმა ლაშა ფარულავამ.

ფარულავა გამოეხმაურა ლევან ხაბეიშვილის Facebook-პოსტს, სადაც ის ოპოზიციას აკრიტიკებს.

„ნიკა გვარამიას არ ვუპასუხებთ, ჩვენთვის მნიშვნელოვანია პოლიტიკური დღის წესრიგის შექმნა, არა მხოლოდ ბუტაფორიული შეხვედრები. თამარ ჩერგოლეიშვილის განცხადებების შეფასებებთან დაკავშირებით, შეგიძლიათ მის გულშემატკივრებს მიაკითხოთ. მისი პოზიციებიც არ გვაინტერესებს და სინამდვილეში არც არავის აინტერესებს“, - აღნიშნა ფარულავამ.

ლევან ხაბეიშვილი პენიტენციური დაწესებულებიდან საკუთარ თანამოაზრეებს და ოპოზიციურ პარტიებს დაუპირისპირდა.