ისლანდიის უნივერსიტეტის პროფესორი: ვფიქრობ, რომ ისლანდიის მოსახლეობამ საბოლოო გადაწყვეტილება მიიღო და ევროკავშირში გასაწევრიანებლად განაცხადის შეტანის არავითარი მცდელობა აღარ იქნება. ძალიან ბევრმა ადამიანმა დაინახა პრობლემები - პენსიების შემცირება, თავდაცვის ხარჯების გაზრდა, ბიუჯეტის დეფიციტი, მიგრაციის პრობლემა

ვფიქრობ, რომ მცირე ქვეყნისთვის, როგორიცაა ისლანდია, რომლის ეკონომიკა ეყრდნობა თევზჭერას და ენერგოსფეროს, სუვერენიტეტის ღირებულება უფრო მაღალია, ვიდრე დიდი ქვეყნებისთვის, რომელთაც ბრიუსელში თავისი სიტყვა ეთქმით გადაწყვეტილების მიღების სისტემაში, - განაცხადა გადაცემაში „იმედი Live” ისლანდიის უნივერსიტეტის პროფესორ-ემერიტუსმა ჰანეს ჰოლმშტაინ გისურარსონმა.

ის ვარაუდობს, რომ ისლანდიის მოსახლეობის გადაწყვეტილება ევროკავშირში წევრობის შესახებ საბოლოოა და არ შეიცვლება.

„ჩვენ უნდა გავითვალისწინოთ, რომ სამი ყველაზე მდიდარი ქვეყანა ევროპაში - ნორვეგია, შვეიცარია და ისლანდია ევროკავშირის ჩარჩოებს გარეთ არიან. ჩვენ არ გვჭირდება ევროკავშირის წევრობა, რადგან საკუთარ საქმეებს კარგად ვმართავთ.

ვფიქრობ, რომ ისლანდიის მოსახლეობამ საბოლოო გადაწყვეტილება მიიღო და აღარ იქნება განაცხადის შეტანის არავითარი მცდელობა ევროკავშირში გასაწევრიანებლად. ძალიან ბევრმა ადამიანმა შეხედა ევროკავშირს და დაინახეს პრობლემები - ფინანსური პრობლემები: პენსიების შემცირება, თავდაცვის ხარჯების გაზრდა, ბიუჯეტის დეფიციტი მრავალ ქვეყანაში. შემდეგ უკვე მოდის მიგრაციის პრობლემა“, - განაცხადა ჰანეს ჰოლმშტაინ გისურარსონმა.