ისლანდიის უნივერსიტეტის პროფესორი რეფერენდუმის შედეგებზე: ჩვენ გვინდა შევინარჩუნოთ ჩვენი სუვერენიტეტი, მცირე ქვეყნების ლაპარაკი ეს თითქოს არის ჩურჩული, რომელსაც ბრიუსელში არავის უსმენს

ჩვენ ვართ პატარა ქვეყანა და ჩვენი გავლენა ბრიუსელში იქნება ძალიან მცირე, - განაცხადა გადაცემაში „იმედი Live” ისლანდიის უნივერსიტეტის პროფესორ-ემერიტუსმა ჰანეს ჰოლმშტაინ გისურარსონმა ისლანდიაში გამართული რეფერენდუმის შედეგების განხილვისას, რომლის თანამადაც მოსახლეობამ უარი განაცხადა ევროკავშირში გაწევრიანების შესახებ მოლაპარაკებების განახლებაზე.

მისი თქმით, მცირე ქვეყნების ლაპარაკი თითქოს ჩურჩულია, რომელსაც ბრიუსელში არავის უსმენს.

„ჩვენ გვინდა შევინარჩუნოთ ჩვენი სუვერენიტეტი, კონტროლი სოფლის მეურნეობაზე, საგარეო ვაჭრობაზე, ჯანდაცვის სფეროზე. ეს გახლავთ მთავარი მიზეზები.

ევროკავშირი დასაწყისში გვაძლევდა ორ რამეს. პირველი: საფრანგეთმა და გერმანიამ მიიღეს გადაწყვეტილება, რომ მშვიდობა შენარჩუნებულიყო. მეორე: ევროკავშირი უნდა ყოფილიყო თავისუფალი ვაჭრობის ზონა, მაგრამ პატარა ქვეყნებს ბრიუსელში გავლენა ძალიან მცირე აქვთ. მაგალითად, ისლანდია, ჩვენ საპარლამენტო მანდატების 0,8% გვეკუთვნოდა, მინისტრთა საბჭოში ჩვენი გადაწყვეტილების მიღების მაჩვენებელი იქნებოდა 0,1%. მცირე ქვეყნების ლაპარაკი ეს თითქოს არის ჩურჩული, რომელსაც ბრიუსელში არავის უსმენს“, - განაცხადა ისლანდიის უნივერსიტეტის პროფესორმა.