თენგიზ შარმანაშვილი ფილფანის განცხადებაზე: ეს მათი სტილია. ესეც დამახინჯებული ინფორმაციის გავრცელების წესია აკერმანის წიგნიდან, რასაც ამ ავადსახსენებელ სემინარებზე ასწავლიან

თენგიზ შარმანაშვილი გახარიას პარტიის წევრის, ვიკა ფილფანის მიერ დანაშაულის სტატისტიკის შესახებ არასწორი სტატისტიკის წარდგენას გამოეხმაურა. თავდაცვისა და უსაფრთხოების კომიტეტის თავმჯდომარის პირველი მოადგილე ამას პროპაგანდისტულ ნაბიჯად აფასებს.

„ეს მათი სტილია. ესეც დამახინჯებული ინფორმაციის გავრცელების წესია აკერმანის წიგნიდან, რასაც ამ ავადსახსენებელ სემინარებზე ასწავლიან. წარმოიდგინეთ, რაზეა ეს გათვლილი - შენ აშკარა ტყუილი თქვი, რომ მოსახლეობამ მოისმინოს. მერე, რა თქმა უნდა, ამას უარყოფენ, მაგრამ შეიძლება ეს უარყოფა იმავე რაოდენობამ ვერ მოისმინოს და ეს ადამიანების თავში მაინც დარჩება და ტყუილი თავის საქმეს გააკეთებს. აი ასეთი მდაბიო პროპაგანდისტული ნაბიჯი არის“, - განმარტავს შარმანაშვილი.

გიორგი გახარიას პარტიის წევრმა ვიკა ფილფანმა პარლამენტის პლენარულ სხდომაზე საზოგადოებას დანაშაულებზე ინფორმაცია მანიპულაციური და არასამართლებრივი ფორმულირებით მიაწოდა.