გახარიას პარტიის წარმომადგენელმა საზოგადოებას დანაშაულის გაყალბებული სტატისტიკა წარუდგინა - როგორია შსს-ს ოფიციალური მონაცემები

გიორგი გახარიას პარტიის წევრი ვიკა ფილფანის მიერ გაყალბებული სტატისტიკა და შინაგან საქმეთა სამინისტროს ოფიციალური მონაცემები. პლენარულ სხდომაზე დეპუტატმა საზოგადოებას დანაშაულებზე ინფორმაცია მანიპულაციური და არასამართლებრივი ფორმულირებით მიაწოდა.

„2026 წლის I კვარტალში 14,716 დანაშაული დარეგისტრირდა, რეალური რიცხვი გაცილებით მაღალია. 532 - განზრახ მკვლელობა, 1 804- ჯანმრთელობის განზრახ დაზიანება. სამ მილიონიან ქვეყანაში 6 თვეში 532 მკვლელობა საგანგაშო რიცხვია“, - აღნიშნა დეპუტატმა.

შინაგან საქმეთა სამინისტროს სტატისტიკით, რეალობა ასეთია: 2026 წლის პირველ კვარტალში სულ რეგისტრირებულია ჯამში განზრახ მკვლელობის 15 ფაქტი, გაუფრთხილებლობით გარდაცვალება, სუიციდი, სუიციდის მცდელობა, გარდაცვალების ფაქტები, რომელიც დამატებით გამოძიებას საჭიროებს - 532 ფაქტი, 2019 წელს იყო 732 ფაქტი.

რაც შეეხება ჯანმრთელობის განზრახ დაზიანების ფაქტებს, უწყების ინფორმაციით რეალობა ასეთია: 1804 მოიცავს სხვადასხვა კატეგორიის დაზიანებას, მათ შორის როგორც მძიმე, ნაკლებად მძიმე და მსუბუქ დაზიანებებს, ასევე სხვადასხვა ტიპის ძალადობის შემთხვევებს, მათ შორის ოჯახში ძალადობებს. 2019 წელს იყო 3115 ფაქტი.

შსს-ს სტატისტიკის თანახმად, დანაშაულის საერთო რაოდენობა 2026 წლის პირველ კვარტალში რეგისტრირებულია 14 716 ფაქტი და გახსნის მაჩვენებელი შეადგენს 69.14%-ს. 2019 წლის ანალოგიურ პერიოდში დანაშაულის რაოდენობა შეადგენდა 17821-ს, გახსნის მაჩვენებელი კი იყო 26.36%.