თენგიზ შარმანაშვილი: თამაზ ბორაშვილი თავის კონცეფციას წარმოადგენს, როგორ ესახება უწყების შემდგომი განვითარება

თამაზ ბორაშვილი თავის კონცეფციას წარმოადგენს, როგორ ესახება უწყების შემდგომი განვითარება, - განაცხადა თავდაცვისა და უსაფრთხოების კომიტეტის თავმჯდომარის პირველმა მოადგილემ თენგიზ შარმანაშვილმა.

დეპუტატი გამოეხმაურა უსაფრთხოების სამსახურის უფროსად თამაზ ბორაშვილის წარდგენას.

„20 წელზე მეტია [თამაზ ბორაშვილი] მოღვაწეობს სახელმწიფო უსაფრთხოების მიმართულებით. აქვს შინაგან საქმეთა სამინისტროში გამოცდილება. შეიძლება თავისი შტრიხები შეიტანოს როგორც ხელმძღვანელმა, მაგრამ ისეთ ადგილზე არ მიდის, სადაც საქმეს ნულიდან უნდა გაეცნოს სიტუაციას. თავის კონცეფციას წარმოადგენს, როგორ ესახება უწყების შემდგომი განვითარება“, - აღნიშნა შარმანაშვილმა.

დღეს პარლამენტი სახელმწიფო უსაფრთხოების სამსახურის ახალ უფროსს აირჩევს.