ხარაგაულის მაგისტრატმა სასამართლომ, ზესტაფონის რაიონულმა სასამართლომ და თბილისის საქალაქო სასამართლომ სიძულვილის ენის გამოყენების საქმეები განიხილეს და კანონდამრღვევებს ფულადი სანქციები დააკისრეს

ხარაგაულის მაგისტრატმა სასამართლომ განიხილა ფეისბუქმომხმარებელ დავით სილაგაძის საქმე. მან შეურაცხყოფა მიაყენა გიორგი გელაშვილს. სიძულვილის ენის გამოყენებისთვის ის მოსამართლემ 3 500 ლარით დააჯარიმა.

სიძულვილის ენის გამოყენების საქმე განიხილა ზესტაფონის რაიონულმა სასამართლომ. სოციალურ ქსელში პოლიტიკოსის შეურაცხყოფისთვის გრიგოლ ბებიაშვილს, სასამართლოს გადაწყვეტილებით, 1 500 ლარის გადახდა მოუწევს.

სიძულვილის ენის ადმინისტრაციული საქმეები განიხილა თბილისის საქალაქო სასამართლომ. საჯარო შეურაცხყოფის ოთხი ეპიზოდიდან მოსამართლემ ოთხივე ადამიანი კანონდამრღვევად ცნო და ფულადი სანქციები დააკისრა.