დავით მათიკაშვილი „ქართული ოცნების“ საკონსტიტუციო სარჩელზე, აიკრძალოს „გახარია - საქართველოსთვის“: მას მერე, რაც პოლიტიკური შატალო შეწყვიტეს და შემობრძანდნენ პარლამენტში, იმედი გვქონდა, რომ ეს პარტიული ნაწილი იქნებოდა ადეკვატური კონსტიტუციასთან და ქართულ რეალობასთან, სამწუხაროდ, ეს ასე არ არის

ისინი არ აღიარებენ მოქმედ სამართლებრივ წესრიგს, სადაც დემოკრატიის საფუძველზე უმრავლესობამ „ქართული ოცნება“ აირჩია ქვეყნის ხელისუფლებად, - განაცხადა საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა „ქრონიკასთან“ გახარიას პარტიის მისამართით.

მისი თქმით, პარტია არც მას შემდეგ გახდა ადეკვატური, რაც პარლამენტში შევიდა.

„ისინი არ აღიარებენ მოქმედ სამართლებრივ წესრიგს, სადაც, დემოკრატიის საფუძველზე, უმრავლესობამ „ქართული ოცნება“ აირჩია ქვეყნის ხელისუფლებად. მიუხედავად იმისა, რომ გარკვეული იმედი გვქონდა მას მერე, რაც პოლიტიკური შატალო შეწყვიტეს და შემობრძანდნენ პარლამენტში, „გახარიების“ ეს პარტიული ნაწილი იქნებოდა ადეკვატური კონსტიტუციასთან და ქართულ რეალობასთან, სამწუხაროდ, ეს ასე არ არის“, - აღნიშნა მათიკაშვილმა.

ახალი საკონსტიტუციო სარჩელით „ქართული ოცნება“ პარტია „გახარია - საქართველოსთვის“ აკრძალვასაც ითხოვს. მმართველი პოლიტიკური პარტიის მიერ მომზადებულ სარჩელში უკვე მოთხოვნილია „ნაციონალური მოძრაობის“, „კოალიცია ცვლილებისთვის“, „ძლიერი საქართველო - ლელოს“ და „ფედერალისტების“ აკრძალვა და მათი საქმიანობის არაკონსტიტუციურად ცნობა.