შალვა პაპუაშვილი: მაია ბითაძეს კულტურის მინისტრად დანიშვნას ვულოცავთ. დარწმუნებული ვარ, მისი გამოცდილება, პროფესიონალიზმი წარმატებული მინისტრობის საწინდარი იქნება

მინდა ვისარგებლო შემთხვევით და თქვენი სახელით ჩვენს ჯერ კიდევ კოლეგას, ქალბატონ მაია ბითაძეს კულტურის მინისტრად დანიშვნა მივულოცო, - განაცხადა პარლამენტის თავმჯდომარე შალვა პაპუაშვილმა პარლამენტის პლენარულ სხდომაზე.

პაპუაშვილის თქმით, მაია ბითაძეს საკომიტეტო საქმიანობაში განსაკუთრებული როლი და წვლილი ჰქონდა.

„მინდა ვისარგებლო შემთხვევით და თქვენი სახელით ჩვენს ჯერ კიდევ კოლეგას, ქალბატონ მაია ბითაძეს კულტურის მინისტრად დანიშვნა მივულოცო. მას განსაკუთრებული როლი ჰქონდა პარლამენტის უმრავლესობაში, როგორც პოლიტიკურ გუნდში.

განსაკუთრებული როლი და წვლილი ჰქონდა მას საკომიტეტო საქმიანობებში და გარემოს მიმართულებით საქმიანობაში წლების განმავლობაში. დარწმუნებული ვარ, მისი ეს გამოცდილება, პროფესიონალიზმი საწინდარი იქნება მისი წარმატებული მინისტრობის. ასე რომ, ვულოცავთ მას და ვუსურვებ წარმატებულ მინისტრობას“, - აღნიშნა შალვა პაპუაშვილმა.

კულტურის მინისტრად მაია ბითაძე დაინიშნა.