მიხეილ სააკაშვილი: ტვ „იმედი“ სააკაშვილს არ დაუხურავს, ტვ „იმედი“ დახურა გიორგი თარგამაძემ

ყოფილმა პრეზიდენტმა, პატიმარმა მიხეილ სააკაშვილმა სასამართლო პროცესზე განაცხადა, რომ ტელეკომპანია „იმედი“ მას არ დაუხურავს და მომხდარზე პასუხისმგებლობა არხის ყოფილ ჟურნალისტს, გიორგი თარგამაძეს დააკისრა.

როგორც მან აღნიშნა, 2007 წლის ნოემბრის მოვლენების დროს ტელეკომპანიის მაუწყებლობის შეწყვეტა მის გადაწყვეტილებას არ უკავშირდება და დასძინა, რომ „იმედის“ დახურვა უშუალოდ გიორგი თარგამაძის მიერ მოხდა.

„ტვ „იმედი“ სააკაშვილს არ დაუხურავს, ტვ „იმედი“ დახურა გიორგი თარგამაძემ“- განაცხადა სააკაშვილმა.