შალვა პაპუაშვილი ირაკლი ღარიბაშვილზე: ყველაფერი ფასდება საქმეებით. როდესაც საქმეები ხელს უწყობს, ახალისებს, ან ემთხვევა იმ საქმეებს, რომელიც ჩვენი ქვეყნის არაკეთილისმსურველების წისქვილზე ასხამს წყალს, მაშინ რა თქმა უნდა ეს საქმეები კითხვებს ბადებს

ყველაფერი ფასდება საქმეებით. როდესაც საქმეები ხელს უწყობს, ახალისებს, ან ემთხვევა იმ საქმეებს, რომელიც ჩვენი ქვეყნის არაკეთილისმსურველების წისქვილზე ასხამს წყალს, მაშინ რა თქმა უნდა ეს საქმეები კითხვებს ბადებს, - განაცხადა საქართველოს პარლამენტის თავმჯდომარემ შალვა პაპუაშვილმა ირაკლი ღარიბაშვილზე საუბრისას.

მისივე თქმით, ყველაფერი ფასდება საქმეებით.

„სიტყვები ბევრი შეიძლება ითქვას, მაგრამ საქმე წარმოაჩენს ადამიანს. როდესაც საქმით ვხედავთ, რომ არის დამთხვევა და დღეს ამ ქვეყნის მტრები ხარობენ, რომ ბოდვები ხდება პოლიტიკური განხილვის საკითხი, ეს მხოლოდ ჩვენი ქვეყნის შიდა და გარე მტრებს უხარიათ. უხარით, რომ ასეთ ბოდვებზე იხარჯება პოლიტიკური დისკუსიის დრო.

მთავარი არის საქმე და ის, ვინც არის ჩვენი ქვეყნის გულშემატკივარი, ყველამ თავისი საქმით უნდა დაამტკიცოს, რომ მტრის წისქვილზე არ ასხამს წყალს“, - აღნიშნა პაპუაშვილმა.