ჩინეთში პოლონეთის ელჩმა საკონსტიტუციო სასამართლოს გარშემო განვითარებული მოვლენების გამო თანამდებობა დატოვა

ჩინეთში პოლონეთის ელჩმა იაკუბ კუმოხმა სოციალურ ქსელ X-ში დაწერა, რომ პოლონეთის საკონსტიტუციო სასამართლოს გარშემო განვითარებული მოვლენების გამო ის თანამდებობას ტოვებს.

„ქვეყანაში განვითარებული მოვლენების გათვალისწინებით, მივიჩნიე, რომ პოლონეთის რესპუბლიკის ელჩის მოვალეობის შემდგომი შესრულება ჩემთვის შეუძლებელია. დღეიდან გადავდექი თანამდებობიდან და ელჩის თანამდებობიდან გათავისუფლების თხოვნით შესაბამის უწყებებს მივმართე“, - დაწერა კუმოხმა.

ცნობისთვის, პოლონეთში საკონსტიტუციო სასამართლოს გარშემო კრიზისი მას შემდეგ დაიწყო, რაც 30 ოქტომბერს გვიან ღამით სასამართლოს საიტზე გამოქვეყნდა ინფორმაცია, რომლის თანახმადაც მოსამართლემ ანა კორვინ-პიოტროვსკამ ერთი თვით უფლებამოსილება შეუჩერა სასამართლოს მოქმედ თავმჯდომარეს ბოგდან სვენჩკოვსკის და მის მოადგილეს ბართლომე სოხანსკის. ამ გადაწყვეტილებამ ხალხში უკმაყოფილება გამოიწვია. ადამიანებმა სასამართლოს შენობასთან აქცია გამართეს, რომელიც დაკავებებით დასრულდა.