დონალდ ტრამპი საფრანგეთში განვითარებულ მოვლენებზე: მაკრონს პირველივე შეხვედრისას ვუთხარი: „შენ საფრანგეთს ანადგურებ“

ევროპაში საპროტესტო აქციებსა და არეულობებს დონალდ ტრამპი Fox News-ის ეთერში სატელეფონო ჩართვისას გამოეხმაურა. მან 24 ოქტომბერს განვითარებულ მოვლენებზე სრული პასუხისმგებლობა იმ ქვეყნების ლიდერებს დააკისრა, სადაც საპროტესტო აქციები არეულობაში გადაიზარდა. მთავარ პრობლემად დონალდ ტრამპი კვლავაც მიგრაციას ასახელებს.

„მაკრონს პირველივე შეხვედრისას ვუთხარი: „შენ საფრანგეთს ანადგურებ“. ერთი თვის წინ ესპანეთში ასობით ათასი ადამიანი შევიდა. მაშინვე ვთქვი: „ოჰ, ეს პრობლემას შექმნის“. ხალხი, რომელიც ამ ქვეყანაში საუკუნეების განმავლობაში ცხოვრობს, მიგრანტების შედინების გამო გაბრაზებულია“, - აცხადებს ტრამპი.

შაბათს გამართულ აქციებზე საფრანგეთში 1300-ზე მეტი ადამიანი დააკავეს.