აშშ-ში, კანზასის შტატში, ბავშვთა საფეხბურთო მატჩის დროს სატვირთო ავტომობილი მოედანზე შევარდა, არის მსხვერპლი

ორი ადამიანი დაიღუპა, ათი კი დაშავდა კანზასის შტატის საფეხბურთო მოედანზე მომხდარი შემთხვევისას. სტადიონზე სატვირთო ავტომობილი ბავშვთა საფეხბურთო მატჩის დროს შევარდა. დაღუპულია 6 წლის ბიჭი და 35 წლის მამაკაცი.

ავტომობილს 34 წლის ქალი მართავდა, რომელიც პოლიციის განცხადებით, ამ დროისთვის დაკავებულია. უცნობია, რა გახდა შემთხვევის მიზეზი.